SINGIDA YAJIPANGA KUKABILIANA NA UHABA WA UPUNGUFU WA MAFUTA YA KULA

Meneja Mwandamizi wa mradi kutoka Shirika la Farm Africa, Tumaini Elibariki (wa pili kushoto) akimpa maelezo  ya kilimo chenye tija cha zao la Alizeti Mkuu wa Wilaya ya Ikungi, Edward Mpogolo (wa pili kulia) wakati alipotembelea shamba darasa la zao hilo katika Maadhimisho ya Mkulima Shambani yaliyofanyika Kijiji cha Mnang'ana Kata ya Sepuka jana. Kulia ni Mkurugenzi wa Halmashauri ya Wilaya ya Ikungi, Justice Kijazi na kushoto ni Mwenyekiti wa halmashauri hiyo, Ally Mwanga.

Mkuu wa Wilaya ya Ikungi Edward Mpogolo akihutubia kwenye maadhimisho hayo.

Mkurugenzi wa Halmashauri ya Wilaya ya Ikungi, Justice Kijazi akizungumza kwenye maadhimisho hayo.

Meneja Mwandamizi wa mradi kutoka Shirika la Farm Africa, Tumaini Elibariki, akihutubia kwenye maadhimisho hayo.

Wananchi wakiwa kwenye maadhimisho hayo.

Wananchi wakiwa kwenye maadhimisho hayo.

Mwakilishi wa Mkurugenzi wa Shirika la Farm Africa, Mratibu Mwandamizi wa shirika hilo, William Mwakyami, akizungumza wakati akitoa salamu za Mkurugenzi huyo kwenye maadhimisho hayo.

Mjasiriamali Juma Mwangi kutoka Kijiji cha Mtinko akimuelekeza jambo Mkuu wa Wilaya ya Ikungi, Edward Mpogolo alipokuwa akitembelea mabanda.

Meneja wa Wakulima wa Kampuni ya Pyxus, Edwin Shio   akimuelekeza jambo Mkuu wa Wilaya ya Ikungi, Edward Mpogolo alipokuwa akitembelea mabanda.

Mkuu wa Wilaya ya Ikungi, Edward Mpogolo, akipata maelezo alipotembelea banda la Benki ya NMB.

Meneja wa Mbegu kutoka Kampuni ya Daudi Yamagaji Bytrade Tanzania Ltd., akizungumza kwenye maadhimisho hayo.

Afisa Masoko kutoka Kampuni ya Zamsee, Juliana Massao akizungumza katika maadhimisho hayo.

Mjasiriamali Amina Daffi  kutoka Kijiji cha Mtinko, akizungumza katika maadhimisho hayo

Mdau wa Kilimo, Ahmed Kaburu, akizungumza katika maadhimisho hayo

Muonekano wa shamba darasa la Alizeti kwenye maadhimisho hayo.

Mwenyekiti wa Halmashauri ya Wilaya ya Ikungi, Ally Mwanga, akizungumza katika maadhimisho hayo.

Vyeti vikitolewa kwa washindi.

Mmoja wa washindi na wenzake wakifurahi wakiwa wamemba mbuzi waliozawadiwa.

Diwani wa Kata ya Sepuka Halima  Nyimba akizungumza  kwenye maadhimisho hayo.

Na Dotto Mwaibale, Singida

MKUU wa Wilaya ya Ikungi Edward Mpogolo amesema Mkoa wa Singida umejipanga kukabiliana na uhaba wa mafuta ya kula na kuwa ukiamua kujidhatiti kwa dhati katika kilimo cha alizeti unaweza kuilisha nchi yetu.

Mpogolo ambaye alikuwa mgeni rasmi aliyasema hayo jana katika maadhimisho ya siku ya mkulima shambani yalifanyika Kijiji cha Mnang'ana Kata ya Sepuka wilayani humo na kuandaliwa na Shirika la Farm Africa kwa ufadhili wa Shirika la Umoja wa Mataifa linaloshughulika na usawa wa kijinsia na wanawake (UN Women) kwa kushirikiana na Koica. 

" Singida tuna viwanda vikubwa na vidogo zaidi 175 ambavyo vinauwezo wa kuhitaji tani 350,000 ambayo inafafana na upungufu wa alizeti nchini wa tani 360,000 hivyo tukikomaa na kupambana tunaweza kuilisha nchi na kupata bilioni 188." alisema Mpogolo.

 Mpogolo alisema tukiichukua asilimia 40 tuliyo nayo sasa na kuijumlisha na bilioni 100 tunakwenda karibia bilioni 300 ambazo tunaweza kuzitafuta kwenye kilimo cha alizeti hivyo kwanini wakaangaike kutafuta mbao kwenye hifadhi na kuchoma mkaa na kujikuta wakikamatwa na askari.

Aidha Mpogolo alisema kwa takwimu zilizopo uhitaji wa mafuta ya alizeti hapa nchini ukilinganisha na idadi yetu zaidi ya milioni 60  ni kati ya tani 400,000 hadi 570,000 na kuwa uzalishaji uliopo ni asilimia 40 huku asilimia 60 tukiagiza kutoka nje ambayo ni wastani wa tani 360,000 kwa thamani ya dola karibia milioni 80.

Mkurugenzi wa Halmshauri ya Wilaya ya Ikungi, Justice Kijazi akizungumza kwenye maadhimisho hayo ya mkulima wa wilaya hiyo alisema kilimo cha alizeti mkoani Singida hususani wilayani Ikungi ni adhima ya Serikali inayoongozwa na Rais Samia Suluhu Hassan kuona zao hilo linahimarika.

Alisema wilaya hiyo itafanya kila liwezekanalo na kuona kilimo hicho kina wapeleka mbele.

Aidha Kijazi akizungumzia mradi huo unaofadhiliwa na UN Women, Koica chini ya wadau wengine wakiwepo Farm Africa kuanzia mwaka jana,  mradi huo wa miaka mitatu utagharimu zaidi ya bilioni 5.2 na kuwa umegawanyika katika aina kuu tatu, kilimo cha alizeti ambacho kinaongozwa na Farm Africa, Kilimo cha mbogamboga kinachoongozwa na TAHA na Mradi wa kuwawezesha wanawake kijinsia.

Alisema kwa mwaka huu wa mradi takribani dola 900,000 zimeruhusiwa na Koica na zinaendelea kufanya kazi katika maeneo ya Halmashauri ya Wilaya ya Ikungi.

Meneja Mwandamizi wa mradi kutoka Shirika la Farm Africa, Tumaini Elibariki  alisema shirika hio kwa kushirikana na UN Women lina wawezesha wakulima wadogo hususani wanawake na vijana wa Wilaya ya Ikungi katika Kilimo cha Alizeti. 

Alisema katika kipindi cha kuanzia mwaka huu kati ya January 21 na January  20, 2022 Farm Africa kwakushirikiana na UN women chini ya ufadhili wa KOICA imepanga kutumia takribani Sh. Milioni 309 kwa ajili ya mafunzo ya wakulima 350 kutoka katika kata 3 za Sepuka, Irisya na Dung’unyi na ujenzi wa ghala la kuhifadhia mazao katika Kijiji  cha Mnang’ana. 

Aidha Elibariki alisema wakulima katika wilaya hiyo wanayo nafasi nzuri ya kuongeza uzalishaji na kuchukua fursa ya kufunga mkataba na wanunuzi ili kuhakikishiwa wanapata mbegu bora na zenye tija kama walivyoona kupitia shamba darasa kwenye maadhimisho hayo. 

Elibariki alisema kuwa mradi huo kwa kipindi cha miezi mitano umewafikia wakulima zaidi ya 300  sawa na asilimia 65 ya wanawake kati yao vijana ni asilimia 30 kutoka katika Kata za Sepuka, Irisya na Dungunyi. 

Aliwataja wadau wengine walioshiriki maadhimisho hayo kutoka Sekta Binafsi kuwa ni washirika wa mradi kutoka mashirika ya wasindikaji, wakubwa na wadogo, TCCIA, Pyxus, Bytrate-Advanta, Taasisi za Fedha (TADB, NMB, TPB, NBC, CRDB, PASI) kutoka maeneo  mbalimbali ndani na nje ya wilaya  ya Ikungi ambao kimsingi ni wa muhimu katika kutoa huduma wezeshi ndani ya Mnyororo wa thamani wa zao la Alizeti wilayani Ikungi na Tanzania kwa ujumla. 

WILAYA YA MANYONI YAZINDUA TASAF AWAMU YA TATU SEHEMU YA PILI

Mwakilishi wa Mkurugenzi wa  Mfuko wa Maendeleo wa Kunusuru Kaya Maskini (TASAF) kutoka Makao Makuu,, Peter Lwanda akisoma taarifa ya TASAF Awamu ya Tatu Sehemu ya  Pili wakati wa hafla ya uzinduzi iliyofanyika jwilayani humo mkoani Singida jana..

Mkuu wa Wilaya ya Manyoni, Rahabu Mwagisa, akizungumza katika uzinduzi huo.

Mwenyekiti wa Halmashauri wa Wilaya ya Manyoni, Jumanne Mgalaza, akitoa mkazo kkwa Madiwani kwenda  kuhakikisha walengwa ndio wanaonufaika na mpango huo.

Wakuu wa Vitengo Ngazi ya Halmashauri na wa idara wakiwa katika picha ya pamoja na viongozi wa wilaya na Mwakilishi wa Mkurugenzi wa  Mfuko wa Maendeleo wa Kunusuru Kaya Maskini (TASAF) kutoka Makao Makuu,, Peter Lwanda.

Uzinduzi ukiendelea.

Wataalamu kutoka TASAF wakiwa katika picha ya pamoja na viongozi wa Wilaya ya Manyoni wakati wa uzinduzi huo.

Kamati ya Ulinzi na Usalama ya Wilaya ya Manyoni ikiwa katika picha ya pamoja na Mkuu wa Wilaya hiyo na Mwakilishi wa Mkurugenzi wa TASAF na Viongozi wa Halmashauri.

Uzinduzi ukiendelea.

Madiwani  wakiwa katika picha ya pamoja na Mkuu wa Wilaya hiyo na Mwakilishi wa Mkurugenzi wa TASAF na Viongozi wa Halmashauri.ya Manyoni.

Viongozi wakiwa meza kuu.

Wawezeshaji  wakiwa katika picha ya pamoja na Mkuu wa Wilaya hiyo na Mwakilishi wa Mkurugenzi wa TASAF na Viongozi wa Halmashauri.ya Manyoni.

 Alinikisya Humbo na Dotto Mwaibale, Manyoni.

MKUU wa Wilaya ya Manyoni,  Rahabu Mwagisa amezindua kikao kazi cha kujenga uelewa kuhusu kipindi cha pili cha awamu ya tatu ya TASAF.

Akizungumza na wawezeshaji waliofika ili kupata mafunzo hayo Mwagisa alisema kuwa madhumuni ya mpango wa kipindi cha pili ni kuwezesha Kaya za walengwa kutumia fursa za kuongeza kipato, kuboresha huduma za jamii na kiuchumi, na kuwezesha katika maendeleo ya Watoto ambao ni raslmali watu.

Mwagisa ameishukuru Serikali ya awamu ya sita na Rais wa Jamhuri ya Muungano wa Tanzania Samia Suluhu Hasan kwa kuendelea kuuborehsa mpango huu wa TASAF na kuona tija ya kuzisaidia kaya hizo maskini ili ziweze kunufaika. 

Aidha amewataka wawezeshaji kuzingatia mafunzo watakayopatiwa na wataalamu  na kwamba wazingatie na kuhakikisha mpango unawafikia walengwa pindi watakapokuwa uko vijijini na wafuate miongozo iliyowekwa na kuwa makini.

“Nitoe rai kwenu wote kuzingatia mafunzo haya na kuhakikisha mnatekeleza mpango kazi huu mtakapokuwa huko vijijini basi mkazingazitie miongozo mliyopewa na kuhakikisha walengwa wote wananufaika na mpango huu”alisema  Mwagisa.

Akisoma hotuba mbele ya Washiriki wa Mafunzo hayo Afisa  Mifumo ya Teknolojia ya Habari na Mawasiliano (TEHAMA ) wa TASAF,  Peter Lwanda amesema kuwa  kipindi cha awamu ya tatu ya mfuko wa maendeleo ya jamii (TASAFIII) kinatekelezwa katika 

Halmashauri zote 184 za Tanzania Bara na Wilaya zote za Zanzibar..

Aidha ameongeza kuwa kipindi cha pili cha awamu ya tatu TASAF kitafika kaya milioni moja laki nne na nusu zenye jumla ya watu zaidi ya million saba nchi nzima.

“Mkazo mkubwa katika kipindi hiki cha pili umewekwa katika kuwezesha kaya zitakazoandikishwa kwenye mpango kufanya kazi ili kuongeza kipato”alisema Lwanda.

Lwanda alisema kuwa kipindi hiki cha pili kitahakikisha kwamba huduma za jamii zinaongezwa na kuboreshwa ili kutoa huduma na kuendeleza rasilmali Watoto hususani katika upatikanaji wa Elimu na Afya.

Akitaja walengwa wa awamu hii ya pili Lwanda amesema kuwa ni kaya zinazoishi katika hali duni kwenye Vijiji,Mitaa na, Shehia na kwamba wanufaika ndani ya kaya ni Watoto wenye umri chini ya miaka mitano wanaohudhuria kliniki,wanafunzi wa  shule za awali,shule za msingi na shule za sekondari,mama wajawazito na mwanakaya mwenye ulemavu.

“Niseme tu kwamba mpango huu unatoa ruzuku za aina mbili,ruzuku ya msingi na ruzuku ya masharti kwa wale ambao wanatakiwa kwenda shuleni na Watoto wanaohudhuria kliniki”alisema Lwanda.

Hata hivyo Lwanda alisema kuwa kuna ajira mpya ambazo pia zitaweza kuwanufaisha mwanakaya mmoja ambaye ataonekana kuwa na uwezo wa kufanya kazi. 

Lwanda  amemshukuru Mkurugenzi Mtendaji Charls Fuss kwa kutoa wawewzeshaji wengi na hasa ngazi ya kata ili kuja kushiriki mpango kazi huo.

Naye Mratibu wa TASAF Wilaya ya Manyoni Kenenan Kidanka ameshukuru wataalamu hao kwa kuweza kuiweka Wilaya ya Manyoni katika mpango huu kwa awamu nyingine tena na kuwaweka watu wenye ulemavu katika mpango huo.

Kidanka alisema  kuwa watahakikisha wanaweka usimamizi na mkazo zaidi ili kuhakikisha mpango unawafikia walengwa katika vijiji vyote na kaya zote.

“Nitoe shukrani kwa wataalamu kuweza  kuiweka Manyoni katika mpango na awamu hii na hasa niwashukuru pia kwa kuwakumbuka na watu wenye ulemavu nao kuingia kwenye mpango huu tunashukuru sana”alisema Kidanka.

 

SHIRIKA LA ESTL LABAINI MAPUNGUFU KWENYE UJAZAJI PF3 NDANI YA SEKTA YA AFYA

Afisa Ustawi wa Jamii Mkoa wa Singida, Shukrani Mbago, akizungumza na Waganga Wafawidhi na Maafisa wa Jeshi la Polisi kwa niaba ya Mganga Mkuu wa Mkoa wa Singida ambaye alikuwa mgeni rasmi wa kikao kazi kilichofanyika jana ambacho kiliandaliwa na Shirika lisilo la kiserikali la Empower Society Transform Lives (ESTL) lenye makao yake makuu mkoani Singida  kwa ufadhili wa Ubalozi wa Uholanzi. Kulia ni Mtendaji Mkuu wa Shirika hilo, Joshua Ntandu Lisu.

Mratibu wa Dawati la Jinsia na Watoto mkoani hapa Mkaguzi wa Polisi, Idda John, akichangia jambo kwenye kikao hicho.

Mkaguzi wa Polisi, Juma Baltazar, akichangia jambo kwenye kikao hicho.

Kikao kikiendelea.

Dkt.Getrude Mughamba, akichangia mada kwenye kikao hicho.

Kikao kikiendelea.

Afisa kutoka Shirika la ESTL, Emmanuel Nkumbi, akizungumza kwenye kikao hicho.

Kikao kikiendelea.

Dkt. Swalehe Jula, akichangia kwenye kikao hicho.

Kikao kikiendelea.

Mratibu wa mradi wa shirika hilo , Annamaria Mashaka akitoa mada katika kikao hicho. 

Kikao kikiendelea. Katikati ni Mganga Mkuu wa Polisi Mkoa wa Singida, Dkt. Hassani Muhidini.

Kikao kikiendelea.

Kamisha Msaidizi  wa Polisi  (ACP) Hassani Omary  Maya, akielezea namna ya ujazaji wa fomu ya Polisi namba tatu PF3.

Afisa wa Polisi, Ulinyambusya Ambukege,akichangia jambo kwenye kikao hicho.

Dkt.Anwar Mkulu, akichangia kwenye kikao hicho.

Na Dotto Mwaibale, Singida

SHIRIKA lisilo la kiserikali la Empower Society Transform Lives (ESTL) lenye makao yake makuu mkoani Singida limewakutanisha Jeshi la Polisi na Waganga Wafawidhi kwa lengo la kupeana elimu ya namna bora ya uboreshaji  ujazaji wa fomu ya Polisi namba tatu PF3.

Kwa mujibu wa ESTL kumekuwa na mkanganyiko wa huduma stahiki inayotokana na fomu hiyo hususani katika kukabiliana na vitendo vyote vya ukatili kwa watoto wa kike katika masuala ya ukeketaji na ukatili wa kijinsia ambayo bado hufanyika kwa siri.

Akizungumza na waandishi wa habari jana Mtendaji Mkuu wa Shirika hilo Joshua Ntandu Lisu alisema lengo la kuwakutanisha wadau hao wawili ni kuona namna gani watabadilisha mawazo ya kumaliza changamoto ya ujazaji wa Polisi fomu namba tatu PF3 ili kuweza kutoa haki katika kesi za wahanga wa vitendo vya ukatili ambazo zimekuwa zikiwapa ushindi watuhumiwa kutokana na fomu hizo kutojazwa vizuri na waganga hao wafawidhi.

"Leo tulikuwa na kikao kazi baina ya Jeshi la Polisi na Waganga Wafawidhi wa Vituo 62 vya Afya vya kutoka Manispaa na Halmashauri ya Singida na lengo kubwa lilihusu utambuzi wa watoto waliofanyiwa ukatili wa kijinsia vikiwemo vitendo vya ubakaji pamoja na utoaji wa taarifa ambapo tulikuwa tukijadili namna gani ya kutatua changamoto inayojitokeza kutokana na ujazaji wa fomu ya Polisi namba Tatu PF3." alisema Lisu.

Lisu alisema katika kazi ambazo walikuwa wanazifanya kesi nyingi zilikuwa zinaharibika kutokana na ujazaji wa fomu hizo kwa hiyo kikao hicho kililenga kutatua changamoto hiyo kwani madaktari walikuwa wazito wa kuzijaza kwa sababu PF3 nyingi zilikuwa zikitoka Polisi wanawapa wahanga ambao walikuwa wanaenda kuzijaza hospitali na baada ya hapo wanazirudisha tena polisi ambapo madaktari waliona haikuwa salama kutokana na unyeti wa kazi yao.

Alisema madaktari hao walipendekeza kuwa ni vizuri mhanga atoke na polisi kwenda hospitali kujaza fomu hiyo na kisha polisi aipeleke mahakamani kwa ajili ya kuendelea na mashauri na kuwa hiyo ndiyo ilikuwa changamoto kubwa ya wao kushindwa kujaza fomu hiyo.

Aidha Lisu alisema kupitia kikao kazi hicho waligundua kuwa baadhi ya madaktari walikuwa hawana uelewa wa kutosha juu ya masuala ya ujazaji wa fomu hizo na kuwa kupitia kikao hicho maaskari polisi wamepata fursa ya kuwaelekeza madaktari namna ya ujazaji wa fomu hizo na kuwa hivi sasa wanaamini kesi zote za ukatili zitakuwa zinaenda sawasawa.

Alisema Shirika hilo linalojishughulisha na shughuli mbalimbali zikiwemo masuala ya Afya, Elimu, Mazingira kwa kutumia mifumo ya Teknolojia ya Habari na Mawasiliano (TEHAMA ) umetekeleza mradi huo waliouanza mwaka 2017 kwa ufadhili wa Civil Society Foundation, Ubalozi wa Finland  na sasa Ubalozi wa Uholanzi  ambao umewawezesha kufanya kikao kazi hicho na kuwa wamejipanga kufanya kikao cha namna hiyo na halmashauri zote za Mkoa wa Singida ili nao wanufaike na jambo hilo.

Akizungumza kwa niaba ya Mganga Mkuu wa Mkoa wa Singida ambaye alikuwa mgeni rasmi katika kikao hicho Afisa Ustawi wa Jamii mkoani hapa, Shukrani  Mbago alisema wahanga wa matukio hayo mara wanapofikishwa katika vituo vya afya wahudumu wa afya wawape huduma stahiki kwa haraka ndani ya masaa 72 na kuacha tabia ya kuchelewa kujaza PF3.

Mratibu wa Dawati la Jinsia na Watoto mkoani hapa Mkaguzi wa Polisi, Idda John alisema moja ya changamoto ambayo inasababisha kesi nyingi kushindwa au kuharibika kwa ushahidi ni ule unaotokana na fomu yao ya Polisi PF3 kwani mara nyingi wenzao watoa huduma za afya kwa maana madaktari wamekuwa wakijaza fomu hizo sehemu tofauti kwa mfano kwenye makosa yanayohusiana na ngono mfano kulawiti na kubaka ile PF3 inaelekeza ijazwe sehemu hiyo lakini wao wanajaza eneo la mashambulio ya mwili au ajali jambo linaloharibu ushahidi na kuwafanya wahanga kukosa haki zao.

Kwa upande wake Dkt. Getrude Mughamba kutoka Wilaya ya Singida alikiri kuwepo  changamoto hiyo kwa baadhi yao kutojua namna ya ujazaji wa fomu hizo na kuwa kuanza hivi sasa baada ya kupata mafunzo hayo wanaamini hazitajitokeza tena na kila muhusika atapata haki zake. 

DKT. NCHIMBI AMKABIDHI RASMI OFISI MKUU MPYA WA MKOA WA SINGIDA.

Aliyekuwa Mkuu wa Mkoa wa Singida, Dkt. Rehema Nchimbi (kulia)  akimkabidhi kabrasha  Mkuu wa Mkoa huo Mpya Dkt. Bilinith Mahenge katika hafla iliyofanyika ofisi ya mkuu wa mkoa mjinini hapa.

Aliyekuwa Mkuu wa Mkoa wa Singida, Dkt. Rehema Nchimbi (kulia), akizungumza katika hafla hiyo.

Hafla ikiendelea.

Katibu Mwenezi wa Chama cha Mapinduzi (CCM) Mkoa wa Singida, Ahmed Kaburu, akizungumza katika hafla hiyo.

Viongozi wa Chama cha Mapinduzi (CCM)  Mkoa wa  Singida wakijitambulisha kwa mkuu wa mkoa mpya.

Wakuu wa Wilaya  Mkoa wa  Singida wakijitambulisha kwa mkuu wa mkoa mpya.

Viongozi wa dini  Mkoa wa  Singida wakijitambulisha kwa mkuu wa mkoa mpya.

Wenyeviti wa Halmashauri wakijitambulisha kwa mkuu wa mkoa mpya.

Wakurugenzi wa Halmashauri wakijitambulisha kwa mkuu wa mkoa mpya.

Hafla ikiendelea..

Hafla ikiendelea..

Hafla ikiendelea.

Picha ya pamoja na viongozi wa dini.

Na Dotto Mwaibale, Singida.

ALIYEKUWA Mkuu wa Mkoa wa Singida Dkt.Rehema Nchimbi ambae amestaafu utumishi wa umma amekabidhi ofisi kwa mkuu mpya wa mkoa huo Dkt.Binilith Mahenge ambapo amewashukuru watumishi wote wa mkoa huo kwa ushirikiano mkubwa waliompatia na kupelekea kustaafu kwa heshima.

Akizungumza katika hafla hiyo ya makabidhiano ya ofisi hiyo Dkt. Nchimbi limuomba Dkt. Mahenge kutumia uzoefu alionao kutoka makao makuu ya nchi kuisaidia na kuivuta Singida ili kuongeza kasi ya kuwaletea maendeleo wananchi wake kwa kuwa ni jirani na makao makuu ya nchi hasa kwa kuyaendeleza mazao ya Parachichi na Korosho.

Dkt. Mahenge akizungumza baada ya kukabidhiwa ofisi hiyo amewaomba ushirikiano watumishi wa ofisi hiyo kama walivyokuwa wakimpatia mtangulizi wake ili kuwatumikia wananchi wa mkoa kwa kuwaletea maendeleo.

"Jamani ninawaomba sana ushirikiano wenu kama mlivyoona hapa  mimi Mahenge nimeingia mimi kama mimi  sijaja na wale niliokuwa nafanya nao kazi,nyinyi ndio wenzangu hapa sasa." alisema Mahenge.

Aliwaomba watumie fursa hiyo kutafakari pale ambapo hawakufanya vizuri wakati wa Nchimbi kama ambavyo na yeye atatumia hiyo fursa kuongeza ufanisi wa utendaji wake wa kazi kama hakufanya vizuri wakati alipokuwa Dodoma.

Aidha aliwaahidi viongozi na wananchi wa mkoa huo kuyasimamia na kuyaendeleza yote yaliyoanzishwa na Dkt. Nchimbi hususani katika sekta ya kilimo ambapo amehamasisha kilimo cha Korosho na Parachichi,huku akitumia fursa hiyo kumshukuru Mh.Rais Samia Suluhu Hassan kwa kuendelea kumuamini ili amsaidie katika mkoa huu.

Katibu Mwenezi wa Chama cha Mapinduzi (CCM) Mkoa wa Singida, Ahmed Kaburu alimwambi mkuu wa mkoa mpya kuwa Chama kitampa ushirikiano na kuwa kitaendelea kushirikiana na Serikali.

Makabidhiano hayo ya ofisi yamefanyika leo mbele ya viongozi wa mkoa huo akiwemo Katibu Tawala wa Mkoa, Wakuu wa Wilaya, Mstaki Meya, Viongozi wa Ulinzi na Usalama, Makatibu Tawala wa Wilaya na Wakuu wa Idara.