WAWAKILISHI WA BENKI YA DUNIA (WB) WATEMBELEA MIRADI YA KUENDELEZA UJUZI JIJINI DAR ES SALAAM

Mwakilishi wa Benki ya Dunia nchini  Bi. Xiayon Liang (kulia) akipata maelezo wakati wa ziara ya siku moja ya kukagua miradi inayofadhiliwa na Mfuko wa Kuendeleza Ujuzi (SDF) unaoendeshwa na Serikali ya Tanzania kupitia Wizara ya Elimu, Sayansi na Teknolojia na kuratibiwa na Mamlaka ya Elimu Tanzania (TEA). Wa pili kulia ni Mkurugenzi Mkuu wa Mamlaka ya Elimu Tanzania (TEA), Bi Bahati Geuzye.

Ukaguzi huo ukiendelea.

Mwakilishi wa Benki ya Dunia nchini  Bi. Xiayon Liang (katikati)) akipata maelezo wakati wa ziara hiyo. Wa tatu kushoto ni Mkurugenzi Mkuu wa Mamlaka ya Elimu Tanzania (TEA), Bi Bahati Geuzye.

Maonyesho kwa njia ya vitendo yakifanyika.

Na Bestina Magutu   (TEA)

WAWAKILISHI wa Benki ya Dunia nchini  leo wamefanya ziara ya siku moja kukagua miradi inayofadhiliwa na Mfuko wa Kuendeleza Ujuzi (SDF) unaoendeshwa na Serikali ya Tanzania kupitia Wizara ya Elimu, Sayansi na Teknolojia na kuratibiwa na Mamlaka ya Elimu Tanzania (TEA).

Katika ziara hiyo, wawakilishi hao, Bi. Xiayon Liang na Bi. Innocent Mulindwa  wamekagua miradi miwili (02) kati ya 81 inayotekelezwa katika awamu ya pili ya utekelezaji wa SDF ambapo wametembelea mradi wa Kuendesha na Kutengeneza Piki Piki za Magurudumu Matatu na Mawili unaotekelezwa na Chuo cha Mafunzo na Ufundi Stadi cha Future World kilichopo eneo la Gongolamboto. 

Taasisi hiyo ilipata ufadhili wa Shilingi Milioni 128.9 ambapo vijana 415 wamenufaika na mafunzo yaliyotolewa kupitia ufadhili huo wa SDF.

Mradi mwingine uliotembelewa na wawakilishi hao wa Benki ya Dunia nchini ni mradi wa Mafunzo ya Mafundi wa Matengenezo ya Simu, unaoendeshwa na Chuo cha Mafunzo ya Ufundi Stadi (VETA) katika fani ya Teknolojia ya Habari na Mawasiliano (TEHAMA). Chuo hiki kilichopo eneo la Kipawa kilipata ufadhili wa Shilingi Milioni 128.8 ambapo vijana 476 wamenufaika na ufadhili huo wa mfuko wa SDF.

Katika ziara hiyo wawakilishi wa Benki ya Dunia nchini wamekutana na kuzungumza na baadhi ya wanufaika wa mafunzo yaliyofadhiliwa na Mfuko wa SDF ambapo wameelezea nia ya taasisi hiyo kuendelea kufadhili mpango huo wa Serikali wa kuendeleza ujuzi kwa vijana ili kuwapa fursa ya  kuajiriwa na kujiajiri wenyewe.

Mfuko wa Kuendeleza Ujuzi (SDF) ni Mfuko unaolenga kufadhili programu za mafunzo ya ujuzi kwa wanufaika 30,000 hadi kufikia mwezi Juni 2022.  Mfuko unalenga kufadhili mafunzo ya ujuzi katika sekta sita za kipaumbele ambazo ni Kilimo na Kilimo - Uchumi, Utalii na Huduma za Ukarimu, Uchukuzi, Ujenzi, Teknolojia ya Habari na Mawasiliano (TEHAMA) na Nishati.

Katika awamu ya kwanza ya mradi ulioanza kutekelezwa katika mwaka wa fedha 2018/2019 Taasisi 15 zilifadhiliwa kwa jumla ya Shilingi Bilioni 3.1 wakati katika awamu ya pili Taasisi 81 zimenufaika kwa ufadhili wa kiasi cha Shilingi Bilioni 9.7 kuendesha programu za mafunzo ya ujuzi. 

Mamlaka ya Elimu Tanzania (TEA) ni Taasisi ya Umma inayofanya kazi chini ya usimamizi wa Wizara ya Elimu, Sayansi na Teknolojia. TEA inaratibu Mfuko wa Elimu wa Taifa na Mfuko wa Kuendeleza Ujuzi (SDF) ambao unatekelezwa katika Programu ya Kukuza Ujuzi na Stadi za Kazi inayofadhiliwa na Serikali ya Jamhuri ya Muungano wa Tanzania na Benki ya Dunia. 

RAIS SAMIA AMWAGA MABILIONI UJENZI WA OFISI ZA SANAA NA MICHEZO

 

Katibu Mkuu wa Sanaa, utamaduni na Michezo, Dkt. Hassan Abbasi akionesha picha ya jenhgo jipya la Wizara hiyo mara baada ya kusaini Mkataba wa ujenzi wa na Shirika la Nyumba la Taifa (NHC) Septemba 22,2021 jijini Dodoma.

Katibu Mkuu wa Sanaa, utamaduni na Michezo, Dkt. Hassan Abbasi(kulia) wakikabidhiana Mikataba ya Ujenzi na Mkurugenzi Mkuu wa Shirika la Nyumba la Taifa (NHC) Dkt. Maulid Banyani.

Picha ya pamoja baina ya Katibu Mkuu na Menejimenti ya Wizara ya Sanaa, Utamaduni na Michezo katika pamoja na viongozi wa Shirika la Nyumba la Taifa na Wakala wa Majengo Tanzania (TBA)

……………………………………………………………………………

Na John Mapepele- WSUM, Dodoma 

Rais Samia Suluhu Hassan ameridhia Wizara ya Sanaa, Utamaduni na Michezo kujengewa jengo la TZS Bilioni 22.843 makao makuu jijini Dodoma na mkataba wa ujenzi tayari umesainiwa kati ya Katibu Mkuu wa Wizara hiyo Dkt. Hassan Abbasi na Mkurugenzi Mtendaji wa Shirika la Nyumba la Taifa (NHC) Dkt. Maulid Banyani.

Akizungumza katika hafla hiyo ya utiaji saini Septemba 22, 2021 jijini Dodoma, Dkt. Abbasi amesema jengo hilo litakuwa na ofisi za kisasa pamoja zenye mahitaji yote yanayohusika katika sekta za Sanaa, Utamaduni na Michezo.

“Hakika hii ni thamani kubwa kwa sekta hizi na jengo hili ni la kwanza kubwa na la thamani zaidi na kali zaidi tangu kuasisiwa kwa sekta hizi kabla na baada ya Uhuru”. Amefafanua Dkt Abbasi

Aidha, Dkt. Abbasi amemshukuru Rais wa Jamhuri ya Muungano wa Tanzania Mhe. Samia Suluhu Hassan kwa kutoa fedha za ujenzi wa jengo hilo ambapo amesema Mhe. Rais amefanya maamuzi magumu na  makini  katika kuboresha sekta hizi ambazo ni nguvu laini ya nchi.

Ameongeza kuwa tayari serikali imetenga fedha hizo na zitatolewa kulingana na taratibu za Serikali ambapo linatarajiwa kukamilika ndani ya miezi 24 sawa na miaka miwili kuanzia sasa. 

Amewahimiza Shirika la Nyumba la Taifa (NHC) ambao ni watekelezaji wa mradi wa ujenzi wa jengo hilo pamoja Wakala wa Majengo Tanzania (TBA) ambao ni wasanifu na wabunifu wa majengo hayo kukamilisha mradi huo kwa wakati na kwa ubora unaotakiwa kwa kuwa wao ni mabingwa na wameaminiwa kwa uzoefu wao katika masuala ya ujenzi.

Kwa upande wake Mkurugenzi Mkuu wa Shirika la Nyumba la Taifa (NHC) Dkt. Maulid Banyani ameishukuru Wizara na Serikali ya Awamu ya Sita kwa kuwaamini na kuwapa kazi ya ujenzi wa majengo ya Serikali kwa kuwa waliomba na wamepewa kazi hiyo na kuahidi kuitekeleza kwa ubora na kwa wakati kama ilivyopangwa kulingana na bajeti waliyopewa.

Naye Katibu wa Kuratibu Serikali Kuhamia Dodoma Bw. Meshaki Bandawe amesema Wizara ya Sanaa, Utamaduni na Michezo inakuwa Wizara ya nane kukamilisha taratibu za utiaji wa Saini Mkataba wa ujenzi  ambapo ameipongeza kwa hatua hiyo.

Amefafanua kuwa mpango wa Serikali kuhamia Dodoma umerahisisha wizara kuwa na majengo yao na zipo katika eneo moja hatua inayorahisisha wananchi kupata huduma kwa wakati.

Bw. Bandawe ameongeza kuwa majengo ya Wizara yanayojengwa katika awamu ya pili yapo 24 ambapo hadi sasa Wizara nane ikiwemo ya Sanaa, Utamaduni na Michezo zimekamilisha taratibu za ujenzi huo, hivyo zimetekeleza agizo la Mhe. Waziri Mkuu Kassim Majaliwa alilotoa Septemba 08, 2021 la Wizara zote zikamilishe taratibu za ujenzi wa awamu ya pili ifikapo Septemba 30, 2021.

RC SINGIDA AITISHA KIKAO KUNUSURU MRADI WA KILIMO CHA UMWAGILIAJI ITAGATA ITIGI

Mkuu wa Mkoa wa Singida Dkt.Binilith Mahenge (kulia) akizungumza na wananchi na viongozi mbalimbali wakati akikagua mradi wa kilimo cha umwagiliaji Itagata Itigi alipokuwa katika ziara yake ya kikazi ya kukagua miradi ya maendeleo katika Halmashauri ya Wilaya ya Itigi na kuzungumza na wananchi.

Afisa Kilimo Wilaya ya Itigi Mkinguzi Mgalula akitoa taarifa ya mradi huo kwa mkuu wa mkoa

      Mkuu wa Wilaya ya Manyoni Rahabu Mwagisa, akizungumza katika ziara hiyo.

Muonekano wa miundombinu ya umwagiliaji ya mradi huo.

Mkurugenzi wa Halmashauri ya Wilaya ya Itigi John Mgalula akizungumza katika ziara hiyo.

 Mwenyekiti wa Halmashauri ya Wilaya ya Itigi, Hussein Simba akizungumza katika ziara hiyo.

Watumishi wa Halmashauri ya Wilaya ya Itigi  wakiwa katika kikao cha ndani na mkuu wa mkoa.

Mkuu wa Mkoa wa Singida Dkt.Binilith Mahenge akizungumza na Watumishi wa Halmashauri ya Wilaya ya Itigikatika kikao cha ndani.

Mkurugenzi wa Hospitali ya St Gaspar iliyopo Itigi mjini, Fr. Justin Boniface akitoa taarifa ya hospitali hiyo  kwa mkuu wa mkoa.

Ukaguzi Hospitali ya St Gaspar ukifanyika.

Wajumbe wa Kamati ya Ulinzi na Usalama Wilaya ya Itigi wakiwa kwenye ziara hiyo.

Mwenyekiti wa Chama Cha Mapinduzi  (CCM) Wilaya ya Manyoni Jumanne Muhanda, akizungumza katika ziara hiyo.

Muonekano wa mashamba ambayo yameshindwa kuendelezwa.

Mhandisi William Kadinda Tume ya Taifa ya Umwagiliaji Mkoa wa Singida  akizungumza katika ziara hiyo.

Mwenyekiti wa Kijiji cha Itagata Salum Mbesi (katikati) akizungumza katika ziara hiyo.

Diwani wa Kata ya Itagata Martin Kapona, akizungumza katika ziara hiyo.

Mkazi wa Kijiji cha Itagata, Mussa Lupia. akizungumza katika ziara hiyo.

Na Dotto Mwaibale, Itigi.

MKUU wa Mkoa wa Singida Dkt.Binilith Mahenge ameagiza uongozi wa wilaya ya Itigi kuitisha kikao cha viongozi wa Kijiji cha Itagata, wananchi na wadau wa kilimo ili kunusuru mradi wa Kilimo cha Umwagiliaji wa kijiji hicho ambao Serikali ilitoa Sh. 2 Bilioni kwa ajili ya kuanzisha mradi huo ulioridhiwa na wananchi lakini haufanyi kazi kwa sababu mbalimbali.

Dkt.Mahenge alitoa agizo hilo jana wakati alipokuwa katika ziara yake ya kikazi ya kukagua miradi ya maendeleo katika Halmashauri ya Wilaya ya Itigi na kuzungumza na wananchi.

" Ninaagiza muitishe kikao hicho haraka sana na mimi mwenyewe nitakuja, nilipokuwa nasikiliza takwimu za mradi huu za Sh.2.1  Bilioni za ambao haufanyi kazi nimesikitika sana  kwani kuna maeneo wanalia kukosa fursa ya namna hiyo nawaambia kwa uvivu wenu huo mtaendelea kulalamika na kuwa maskini ". alisema Mahenge.

Alisema baada ya kikao hicho ndipo watakapoamua kuona cha kufanya ikiwa ni pamoja na kuwapatia mashamba hayo watu wengine wenye uwezo ya kuyaendeleza baada ya wananchi wanachama wa kilimo cha umwagiliaji waliopewa kushindwa kuyafanyia kazi.

Afisa Kilimo Wilaya ya Itigi Mkinguzi Mgalula akitoa taarifa ya mradi huo kwa mkuu wa mkoa alisema mradi wa kilimo cha umwagiliaji Itagata una jumla la eneo la  hekta 160 linalofaa kwa kilimo sawa na ekari 400 na kuwa eneo linalofikiwa na miundombinu ya umwagiliaji ni hekta 83.6 sawa na ekari 209.

Alisema mradi huo ni matokeo ya wazo lililobuniwa na wananchi wa kijiji hicho wakati wa zoezi la kubaini fursa na vikwazo vya maendeleo na hatimaye kuingizwa kwenye mpango wa maendeleo ya kilimo cha Kijiji cha Itagata mwaka 2008/ 2009.

Wakizungumza kwa nyakati tofauti kuhusu mradi huo ambao umekwaka kuendelea viongozi mbalimbali wananchi na wadau wengine waliunga mkono agizo la mkuu wa mkoa la kuitisha kikao hicho ili kitoe maamuzi ya kuyachukua mashamba hayo na kuwapa watu wengine ambao watakuwa na uwezo ya kuyaendeleza.

Baadhi ya viongozi waliotoa maoni hayo ni pamoja na Mwenyekiti wa Kijiji cha Itagata Salum Mbesi, Diwani wa Kata hiyo Martin Kapona, Mwenyekiti wa Chama Cha Mapinduzi  (CCM) Wilaya ya Manyoni Jumanne Muhanda, Mkuu wa Wilaya ya Manyoni Rahabu Mwagisa, Mwenyekiti wa Halmashauri ya Wilaya ya Itigi, Mkurugenzi wa Halmashauri hiyo pamoja na baadhi ya wananchi wa kijiji hicho akiwepo Makamo Mwenyekiti wa Umoja wa Kilimo hicho cha umwagiliaji Itagata, Rashid Mfaume, Zena Matonya na Mussa Lupia.

Walitaja baadhi ya sababu  za mradi huo kukwama ni uvivu, ubinafsi na watu kukumbatia mashamba ambayo wanashindwa kuyaendeleza huku wengine wakiyakodisha kwa bei kubwa.

Mussa Lupia alisema Tume ya Taifa ya Umwagiliaji itoa kipaumbele kwa kuwapa kwanza mashamba wananchi wa kijiji hicho walioibua mradi huo lakini wameshindwa kuyaendeleza hivyo analiunga mkono wazo la mkuu wa mkoa la kuitisha kikao hicho ili kitoe maamuzi ya kuwapa watu wengine watakaokuwa na uwezo wa kuyaendeleza kutoka ndani ya kijiji hicho na nje.

Katika ziara hiyo Dkt.Mahenge alitembelea Hospitali ya St Gaspar iliyopo Itigi mjini na kuona huduma kubwa za matibabu zonazofanyika zikiwemo za upasuaji na akatoa wito kwa wananchi mbalimbali kutoka mikoa jirani na Singida kwenda kupata huduma za upasuaji na matibabu mengine badala ya kukimbilia Hospitali zingine kubwa za hapa nchini na kutumia gharama kubwa ambapo pia alizungumza na Viongozi na Watumishi wa Halmashauri ya Wilaya ya Itigi na kusisitiza ukusanyaji wa mapato na kutenga asilimia 10 ya vijana, wanawake na watu wenye ulemavu.

JITIHADA ZINAHITAJIKA KUNUSURU BONDE LA MTO RUFIJI NA FAIDA ZAKE KIUCHUMI

Mratibu wa Utafiti na Machapisho kutoka Chuo Kikuu cha Sokoine cha Kilimo SUA na Mkuu wa Mradi wa UMFULA Prof. Japhet Kashaigili (Wa Kwanza Kulia) akimkabidhi Flash Disc yenye matokeo yote ya Utafiti huo wa miaka mitano Mkurugenzi wa Bodi ya Maji  Bonde la Rufiji Mhandisi Florence Mahay kwa ajili ya kuyatumia kwa shughuli mbalimbali za uhifadhi wa Bonde na pia nyingine kwa ajili ya Katibu Mkuu Wizara ya Maji.

Mkurugenzi wa Bodi ya Maji ya Bonde la Rufiji Mhandisi Florence Mahay akieleza faida za Matokeo ya utafiti huo katika Ustawi wa Bonde la mto Rufiji.(Mweye suti ya Blue).

Mratibu wa Utafiti na Machapisho kutoka Chuo Kikuu cha Sokoine cha Kilimo SUA na Mkuu wa Mradi wa UMFULA Prof. Japhen Kashaigili akizungumza na Waandishi wa habari kuhusu Matokeo ya utafiti huo mara baada ya kumaliza kuyawasilisha kwa wadau wote waliohudhuria kwa njia mbalimbali duniani ikiwemo Zoom.

Picha ya pamoja ya baadhi ya Wadau walioshiriki Mkutano huo wa kupokea matokeo na kufunga Mradi huo wa utafiti wa UMFULA uliofanyika kwenye Ukumbi wa Bodi ya Maji ya Bonde la Rufiji Mjini Iringa.

Picha zingine ni Wadau wakifuatilia Uwasilishwaji wa matokeo hayo uliofanywa na watafiti mbalimbali ukumbini hapo na wengine waliowasilisha kwa njia ya mtandao yaani ZOOM.

Picha zingine ni Wadau wakifuatilia Uwasilishwaji wa matokeo hayo uliofanywa na watafiti mbalimbali ukumbini hapo na wengine waliowasilisha kwa njia ya mtandao yaani ZOOM.

Picha zingine ni Wadau wakifuatilia Uwasilishwaji wa matokeo hayo uliofanywa na watafiti mbalimbali ukumbini hapo na wengine waliowasilisha kwa njia ya mtandao yaani ZOOM.

Picha zingine ni Wadau wakifuatilia Uwasilishwaji wa matokeo hayo uliofanywa na watafiti mbalimbali ukumbini hapo na wengine waliowasilisha kwa njia ya mtandao yaani ZOOM.

Picha zingine ni Wadau wakifuatilia Uwasilishwaji wa matokeo hayo uliofanywa na watafiti mbalimbali ukumbini hapo na wengine waliowasilisha kwa njia ya mtandao yaani ZOOM.

Na Calvin Gwabara, Iringa

WADAU wa Bonde la Mto rufiji wametakiwa kuendelea kujizatiti katika kudhibiti shughuli za kibinadamu ambazo zinachangia katika kuharibu mtiririko wa maji ili kuepukana na athari zinazoweza kutokea na kuathiri mahitaji ya maji ya wadau wote wanaotegemea maji hayo.

Wito huo umetolewa na Prof. Japhet Kashaigili ambaye ni Msimamizi na Mratibu wa Mradi wa utafiti wa kutathimini ya mabadiliko ya tabia nchi kwenye bonde la mto Rufiji na kuangalia athari zake katika mtiririko wa maji na utengenezaji wa vielelezo vya kusaidia kupanga mipango ya kimaendeleo katika bonde hilo (UMFULA) wakati wa Mkutano wa kuwasilisha matokeo ya mwisho ya Utafiti huo na kufunga mradi.

“ Kutumia Modeli 34 zinazotumiwa na IPCC zimeonesha kuwa mfumo wa mvua ni wa kubadilika sana na kwamba huko mbeleni kunaweza kuwepo kwa mvua nyingi au mvua chache hasa kwenye maeneo ya kusini mwa Bonde hilo hivyo taarifa hizi zinaisaidia nchi katika kujipanga ikitokea mvua zimeongezeka nini kifanyike na zikipungua nini kifanyike na hivyo mradi umeainisha mambo ya kufanya katika hayo yote” Alifafanua Prof. Kashaigili.

Aliongeza “ Lakini kubwa kabisa tunaangalia Mvua ikipungua nini kifanyike maana sasa hivi tunatambua nchi ipo katika utekelezaji wa miradi mikubwa ya kimkakati kama vile Mradi wa umeme wa Mwl Nyerere ( JNHPP) hivyo ni lazima kuwe na mipango ya kuhakikisha kunakuwa na maji ya kutekeleza mradi huo ili uweze kuzalisha umeme kama ulivyopangwa hivyo Modeli hizo zinazoonyesha kunaweza kuwa na upungufu wa mvua zinatupa kiashiria cha kuweza kujipanga zaidi”.

Amesema kuwa pamoja na matokeo hayo ya kupanda au kushuka kwa mvua lakini matokeo ya jumla yanaonesha kuna kila sababu ya wadau wote kujipanga katika kukabiliana na hali hiyo hasa kutokana na viashiria vikubwa kabisa kuonesha vinatokana na shughuli za kibinadamu hasa maeneo ambayo kuna ukataji mkubwa wa miti.

“Tumeona maeneo yaliyokatwa miti sana mvua zikinyesha maji yanakaa kwa muda mfupi na kukauka na hii maana yake ni kwamba kipindi cha kiangazi ambapo maji yanahitajika kuwepo ili kutunza baionuai kwenye  mito na kuwezesha mabwawa kuendelea kupata maji yanayoingia kupungua hivyo jitihada lazima zifanyike ili kuendeleza mtiririko huo wakati wote kwa kutunza maeneo yote ya bonde.

Mratibu na Msimamizi huyo wa Mradi huo wa Utafiti upande wa Tanzania ameongeza kuwa kupitia Modeli hizo wameona pia kuwa kuna uzalishaji mkubwa wa mchanga unaoingia kwenye maeneo ya mabwawa kwa sababu maeneo mengi ya dakio hilo au Bonde yenye ardhi oevu ambazo husaidia kupunguza  mchanga usiende kwenye mabwawa zimelimwa na kubadilishwa matumizi hivyo utafiti huo pia umeeleza kinachopaswa kufanyika ili kunusuru mabwawa ya kuzalisha Umeme kujaa mchanga.

Prof. Kashaigili amesema matokeo mengine waliyoyapata ni kwenye kuangalia upunguaji wa maji kwa sasa na tangu kuanzishwa kwa vituo vya kupimia maji miaka 40 iliyopita wamebaini kuwa mabadiliko sio makubwa lakini tofauti inaonekana wakati wa kiangazi kwamba maji yanaendelea kupungua kadri siku zinazoenda hali ambayo haikuwepo zamani nankiashiria kikubwa na hali iliyopo sasa kwenye Mto Ruaha Mkuu kukauka Mara kwa mara kuanzia miaka ya 1990.

“ Pia swala la ugawaji wa maji ni swala muhimu ambalo linahitaji kuwa na vifaa maalumu wa kuwezesha kufanya ugawaji kwa usahihi na Mradi umeweza kutengeneza Modeli nzuri na ya kisasa ambayo itapatikana kwenye mtandao na hii itasaidia watu wa Bonde kugawa maji kwa utaratibu mzuri ili kupunguza changamoto za ugawaji wa maji bila kufanya tathimini kwanza na hii itasaidia maeneo mengi hata wizara na tutaendelea kuifanya iwe rahisi zaidi kutumia wadau” Alieleza Prof. Kashaigili.

Akizungumzia faida za matokeo ya utafiti huo Mkurugenzi wa Bodi ya maji ya Bonde la Mto Rufiji Mhandisi Florence Mahay amesema yanawasaidia katika kufanya maamuzi na kupanga mikakati ya namna ya kutekeleza majukumu yao na kuwa na mipango endelevu ya matumizi ya Bonde hilo ambalo asilimia 80% ya umeme wa maji unategemea bonde hilo katika maji kuzalisha umeme.

“50% ya maeneo ya kilimo yanayomwagiliwa yapo katika bonde la mto Rufiji kwahiyo ni muhimu kujua kama upatikani wa maji katika maeneo hayo kutaathirika na mabadiliko ya tabia nchi basi ni kwa namna gani na kiasi gani na hasa hayo mabwawa ambayo yakikosa maji yataathiri uchumi wa nchi sambamba na maeneo yaliyohifadhiwa kama vile hifadhi za taifa” Alisema Mhandisi Mahay.

Mkurugenzi huyo amesema changamoto kubwa wanayokumbana nayo ni namna ya kuweka uwiano kati ya kilimo na miradi ya umeme kwani Miradi ya Umeme ipo chini wakati Kilimo kinafanyika juu ingawa Mradi wa umeme hauli maji kama kilimo bali ubayatumia tu na kuyaacha yatiririke lakini inazuia Miradi ya kilimo inayotumia maji ambayo ipo juu kutotumia maji hayo ili yafike kwenye mabwawa kwa wingi.

“ Tunaendelea sasa kuhamasisha Miradi mikubwa ya kilimo cha umwagiliaji ifanyike chini baada ya miradi ya Umeme ili kuweza kutumia maji ambayo yanatoka kwenye miradi ya umeme nankutiririka bila matumizi na kwenda Baharini hii itaongeza tija maana maji yanakuwa mengi yanakwenda bure au kutumiwa kidogo sana kwa kilimo” Alibainisha Mkurugenzi wa Bodi ya Maji ya Bonde Mhandisi Mahay.

Mradi huo wa miaka mitano umefanikiwa kusomesha wanafunzi kwa ngazi ya Shahada ya Uzamili na Uzamivu, Kutengeneza Modeli mbili pamoja na kuzalisha machapisho mbalimbali ya kisayansi na Majarida na Taarifa mbalimbali zkwa lugha rahisi kwaajili ya Wadau wote hasa Wakulima.

DKT. MAHENGE AKAGUA MIRADI YA MAENDELEO MANYONI AWAPONGEZA WANANCHI

Mkuu wa Mkoa Singida Dkt. Binilith Mahenge (katikati) akikata utepe kuashiria ufunguzi wa Zahanati  ya Kijiji cha Maweni wilayani  Manyoni katika  Hafla iliyofanyika kijijini hapo jana wakati wa zaira yake ya kukagua miradi ya maendeleo. Wengine ni viongozi mbalimbali wa wilaya hiyo.

Mkuu wa wilaya ya Manyoni Rahabu Mwagisa  akizungumza wakati wa hafla ya kuwakabidhi vifaa vijana Wajasriamali walivyowezeshwa na Shirika la Compassion International Tanzania (CIT)

Meneja wa Shirika la Compassion International Tanzania (CIT) Kanda ya Kati Emmanuel Pando akizungumza wakati wa hafla ya kukabidhi  vifaa hivyo.

Askofu Elisante Mwenegoha wa Kanisa la Tanzania Assemblies of God (TAG) akizungumza wakati wa hafla ya kukabidhi vifaa hivyo.

Mkuu wa Mkoa Singida Dkt. Binilith Mahenge akiangalia baadhi ya vifaa waliokabidhiwa vijana hao na Shirika la Compassion International Tanzania (CIT)

Mkurugenzi mtendaji wa Halmshauri ya Wilaya ya Manyoni Melkzedek Humbe akizungumza wakati wa uzinduzi wa zahanati ya kijiji cha Maweni.

Vijana wanufaika wa msaada huo wakiwa kwenye hafla hiyo. 

Wananchi wa Kijiji cha Maweni wakiwa kwenye hafla hiyo.

Wananchi wa Kijiji cha Maweni wakiwa kwenye hafla hiyo.

Dkt. Mahenge akimkabidhi Kadi ya Bima ya Afya iCHF iliyoboreshwa Mzee Godwin Nguluga.

Mbunge wa Jimbo la Manyoni Mashariki Dkt. Pius Chaya akizungumza kwenye hafla hiyo.

Mwenyekiti wa  Chama cha Mapinduzi (CCM) Wilaya ya Manyoni Jumanne Muhanda akizungumza kwenye hafla hiyo.

Wanafunzi wakiwa kwenye hafla hiyo.

Makabidhiano yakiendelea.

Makabidhiano yakiendelea.

Vijana wanufaika wa msaada wa vifaa hivyo Shukrani Leonard na Asha Kidaga wakisoma risala mbele ya mkuu wa mkoa.

Makabidhiano yakiendelea.

Makada wa Chama cha Mapinduzi (CCM) na Watumishi wa Halmashauri ya Wilaya ya Manyoni wakimsikiliza mkuu wa mkoa (hayupo pichani) 

Wanafunzi wakiwa kwenye hafla hiyo.

Ukaguzi wa Zahanati ya Maweni ukiendelea.

 

Na Dotto Mwaibale, Manyoni.

MKUU wa Mkoa wa Singida Dkt.Binilith Mahenge amewapongeza wananchi wa Kijiji cha Maweni kilichopo wilayani Manyoni mkoani hapa kwa hatua walioichukua ya ujenzi wa Zahanati ambayo inakwenda kuondoa adha waliyokuwa wakiipata kwa kutembea umbali mrefu kufuata huduma za matibabu maeneo ya mbali.

Dkt. Mahenge ametoa pongezi hizo jana wakati akikagua miradi ya maendeleo wilayani Manyoni mkoani hapa leo ambapo pia alipata fursa ya kuzungumza na wananchi.

"Hatua yenu mliyoichukua ya  kuhamasishana na kupata Sh. 9 Milioni kwa ajili ya kuanza ujenzi huu na kuungwa mkono na Serikali hadi kukamilisha ujenzi wa zahanati hii mnastahili kupongezwa naomba na vijiji vingine viige mfano huu,". alisema Mahenge.

Dkt. Mahenge alitumia nafasi hiyo kuwapongeza viongozi wa chama na Serikali kwa wa wilaya hiyo kwa kufanikisha kukamilisha ujenzi huo.

Mganga Mkuu wa hiyo Furaha Mwakafwila akitoa taarifa ya ujenzi wa Zahanati hiyo alisema itahudumia wakazi wa kijiji hicho 3749 ambao wanaizunguka na kuwa gharaza zote za kukamilisha ujenzi huo umegharimu zaidi ya Sh. 82 Milioni.

Akizungumzia kuhusu watumishi watakao kuwa wakitoa huduma kwa wananchi katika zahanati hiyo kwa maana waganga na wauguzi Mkurugenzi wa Halmashauri ya Wilaya hiyo Melkizedek Humbe alisema tayari wamepatikana na mmoja atafika hivi karibuni baada ya kumaliza masomo yake mwezi huu kwa ajili ya kumsaidia aliopo wakiwepo wahudumu wa afya ya jamii ambao wametakiwa kufika kuongeza nguvu ya kuhudumia wananchi. 

Alisema katika bajeti ya mwaka wa fedha unaokuja watatenga fedha kwa ajili ya kumalizia ujenzi wa majengo mengine ya zahanati hiyo.

Katika hatua nyingine Dkt.Mahenge alilipongeza Shirika la Compassion International Tanzania  (CIT) kwa kuwawezesha vijana wajasiriamali kutoka vikundi vituo vinne vya huduma ya mtoto na kijana Klasta wilayani humo kwa kuwapa vifaa mbalimbali vya uzalishaji mali vyenye thamani ya zaidi ya Sh.80. 4 Milioni.

Vikundi hivyo ni kutoka Kanisa la Kiinjili la Kilutheri Tanzania  (KKKT), Kanisa la Moravian, Kanisa la Evangelist Assemblies of Gof (EAGT) na Kanisa la Tanzania Assemblies of God (TAG)

Meneja wa Shirika hilo Kanda ya Kati,  Emmanuel Pando alisema shirika la CIT limekuwa likitoa fedha za ufadhili sio chini ya Sh. 1.4 Bilioni kila mwaka kwa makanisa 10 ya Klasta ya Manyoni na kwa miaka 15 makanisa yamepokea takribani Sh. 18 Bilioni kwa ajili ya kuwahudumia watoto na vijana.

Alisema lengo la shirika hilo ni kuunga mkono jitihada zinazofanywa na Serikali inayoongozwa na Rais Samia Suluhu Hassan kwa kuwawezesha vijana kiuchumi na kutatua changamoto ya ajira.

Afisa Vijana  Mkoa wa Singida Frederick Ndahani pamoja na kumshukuru Mkuu wa Mkoa kwa kuzindua mradi wa vijana hao na kuwakabidhi vitendea kazi mbalimbali vikiwemo pikipiki  na mizinga vyote vikiwa na thamani ya zaidi ya Sh. 80.4 Bilioni  amezishukuru Taasisi za dini kwa kuwajali na kuwasaidia vijana ambao ni nguvu kazi ya taifa.

Katika ziara hiyo Dkt.Mahenge alitembelea Zahanati ya Kijiji cha Maweni na kuizindua, Alizindua vifaa vilivyotolewa na Shirika la CIT kwa vijana wa Klasta, Alikagua ujenzi wa madarasa matatu, Ofisi ya Mwalimu Mkuu na matundu nane ya choo cha Shule ya Msingi Sayuni pamoja na madarasa mawili Shule ya Sekondari Mlewa.